WSB Shefa Futsal Lik i redi blong rolemaut klosing tunamen blong 2021

Ol tim oli stap trening redi blong tunamen blong kick off long Sarere wiken ia long WSB:Shefa Futsal Lik

Wan Smol Bag (WSB) Shefa Futsal lik bae hemi rolem aut prokram blong klosing tunamen blong hem long wiken ia, namba 27 Novemba 2021.

Olsem ol narafala spot aktivi truaut long kaontri,oli stat kam blong endem ol jampionsip mo tunamen blong olgeta long manis ia from blong kivim taem long olgeta pleya blong save spentem festif sisen ia wetem olgeta famili blong olgeta kasem long nekis yia bambae ol jampionsip mo tunamen bae hemi kik off bageken.

Spot divelopmen ofisa blong WSB, Willie Malap, hemi talem se, olgeta ofisel klasmen mo prokram blong klosing blong tunamen hemi aut finis long tiusdei wik ia, stat nao long premia, fes mo seken divisen tugeta wetem divisen blong olgeta woman.

Lukluk long olgeta we oli stap lidim klasmen, long premia divisen:

1) T United

2) Green Stone mo

3) Falcons

Wetem 8 tim we oli stap long Premia divisen, 3 fala klab ia nao oli stap lidim klasmen.

Mo long Fes divisen I kat 5 klap evri wan mo trifala klab ia nao I stap lidim tepol I kat:

1) Tupuji United

2) T United mo

3) Stade United

Mo long seken divisen I kat wan bikfala namba blong ol klab we I kasem 11 tim evri wan, mo I kat:

1) Mala

2) PSS mo

3) 36 United we oli topem pul.

Mo long saed blong olgeta woman, I kat wan totol blong 9 tim evri wan mo:

1) Huka

2) PSS mo

3) Mauri

Trifala ia nao I stap lidim divisen blong olgeta woman long sisen ia.

Wetem prokram blong klosing blong tunamen we oli fainalaisem finis I lukim long wiken ia, olgeta kem we bae hemi kik off long divisen blong olgeta woman, 2pm PSS bae hemi vesem Mala, 3pm Mauri bae hemi pleyem Huka(long kot 1), 3pm Tenuku Masipe akensem Street 21(long kot 2) mo long 4pm bae T United bae hemi pleyem UNV.

Long divisen blong olgeta man,4pm Naursusum bae I fesem Falcons, 5pm Kasai bae I pleyem Youth Ark(long kot 1), 5pm T United bae hemi pley wetem 36 United(long kot 2),6pm Iguana vesem Rangers(long kot 1) mo 6pm bakeken Street 21 bae I vesem PSS (long kot 2), I kat 9 kem evri wan we bae hemi kik off long sarere ia blong makem klosing blong 2021 prokram mo bae hemi kontiniu bakeken long mandei namba 29 Novemba nekis wik.

Malap I talem se oli wok folem kem plan nomo we oli putum finis bae I lukim tunamen ia bae hemi las blong 2 wik mo folem wetem faenol bae hemi foltaon long namba 10 -11 Disemba.


(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.