Yestede long moning taem ol man mo woman oli stap redi blong go vot long by-eleksen, Amicale FC hemi taj daon long Bauerfield Airport.
Wetem bigfala win ova long 3 taem defending jampion, Auckland City long Tuesde, Amicale i kasem wan ‘heroes’ welkam i kam long klab manejmen mo ol fan, we oli kam welkamem ol Telecom Vanuatu Limited Premier Division jampion ia, bifo oli go castem ol vot blong olgeta.
President blong klab, Jean Yves Chabod, hemi talem bigfala kongratulesen long tim bageken wan moa taem bifo tim hemi ron raon long Port Vila blong beep long trak blong selebretem impoten mo disaeding win ia blong Vanuatu futbol.
President blong Vanuatu Futbol Federesen (VFF), Lambert Maltock, we hem tu hemi bin stap long Airport long moning ia, hemi talem se win blong Amicale ia hemi impoten long Vanuatu futbol, from hemi soem wea ples nao level blong futbol long Vanuatu i stap long hem naoia long Oceania.
“Long Congress blong FIFA long Mauritius las yia, mi bin faet strong se Vanuatu, espeseli, Melanesia, i mas gat 2 tim i go long O League, from naoia level blong futbol blong yumi i semak olsem long New Zealand,” Maltock i talem.
“Risal blong hem nao i lukim wan Vanuatu Futbol Academy prodak, Dominique Fred, hemi soem long full oceania rijen se yumi save kompit long level ia.
“Mi talem bigfala tankio long Amicale from impoten win ia, from naoia Vanuatu hemi guarantee blong gat 2 tim bageken nekis yia,” VFF president i talem.
Maltock i talem se Amicale foren pleia, oli ol role model blong ol pleia blong yumi insaed long fil.
“Level blong futbol we ol foren pleia oli displeiem insaed long fil hemi influensem bigwan hao nao Amicale hemi plei, mo hemia i minim se Vanuatu i gat wan longfala rod iet blong kasem stej ia.
“Risen ia nao mi toktok strong long OFC se bambae yumi no save stoppem ol foren pleia iet, olsem Fiji hemi mekem, from olgeta nao oli ol benchmark we bambae yumi nidim blong go kasem.
“Taem yumi kasem level ia, we hemi no longtaem, then long ples ia nao, yumi save stoppem. Be naoia i go Vanuatu i gat longfala rod yet.”
(0) comments
Welcome to the discussion.
Log In
Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.