Yestedei moning i wan bikfala dei blong Port Vila Futbol Asosiesen (PVFA) taem Vodafone Vanuatu i konfemem sponsasip blong hem bakeken long PVFA Premia Lik.

Jif Eksekutuif Ofisa blong Vodafone Vanuatu, Barlen Lutchmoodoo, i saen wetem Acting Presiden blong PVFA, Harry Atisson mo akri blong Vodafone i sponsorem Vodafone Premia Lik 2021/2022 Sisen long wan amount blong VT2.5 million.

Mr Barlen i talem se Vodafone i hapi blong luk se wetem sponsasip blong olketa las sisen, standed blong futbol long PVFA i kam antap tumas, mo oli klad blong oli sponsa bakeken long niufala sisen.

Niufala sisen bai i stat bifo end blong manis ia.

Barlen i wantem luk everi yangfala i tekpat long sports blong save kat wan helti laef oltaem.

Acting President blong PVFA, Atisson i talem bikfala tank yu i kolo Barlen wetem everi staff blong Vodafone we oli save kam bakeken blong sponsarem futbol we emi feveret sport long Port Vila.

Mr Atisson i talem se wetem sponsa blong Vodafone las yia, i mekem se standard i ko antap mo naoia i kat planti yangfala i plei futbol.

I kat naoia 10 klab long sekon divisen, 10 klab long fes divisen mo 10 klab long premia divisen i from nomo sapot mo sponsasip blong Vodafone wetem ol narafala partna blong PVFA.

Atisson i stap enkarejem everi futbol pleia mo fan blong usum Vodafone from oli stap blong sapotem futbol long PVFA mo from oli nambawan netwok long Vanuatu.

Port Vila Football Association

Tags

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.