Vanuatu Solar Supply i sponsarem 22 ful set blong shus i ko long PELE FC

Representetif blong Vanuatu Solar Supply hemi handem ova olgeta set blong fes 11 shus i ko long Manejmen blong tim long las Sarere: Pele FC

Wetem tri yia kontrak we Vanuatu Solar Supply hemi saenem wetem Pele FC,I lukim long Sarere last wiken ia, Vanuatu Solar Supply hemi sponsarem bakeken klab wetem set blong 22 futbol shus blong olgeta pleya blong Pele FC.

Set blong 22 set blong shus ia we klab i shud blong risivim long las Sarere be folem limit stok we i stap i mekem se klab hemi risivim 11 set shus nomo bae narafala 11 set bae i jes kamaut taem i kat stok bakeken, meja sponsa,Vanuatu Solar Supply hemi pem nao long Fung Kuei olsem pat blong sponsasip blong hem.

Daily Spot hemi toktok wetem Maketing Maneja blong klab, Mr Mariwota Samuel,mo hemi talem se hemi no en blong help we meja sponsa hemi stap inisietem I kam long klab.

“Pele FC hemi stap mekem rere naoia blong rolem aut niufala unifom bakeken we meja sponsa hemi, Vanuatu Solar Supply hemi kivim long seken lek ia, we I kat 32 ful set unifom evriwan. Mo naoia olgeta teknikel tim blong klap tu bae oli kat niufala unifom blong olgeta tugeta wetem olgeta gudfala fan mo sapota blong Pele FC, bae niufala unifom bae I ko long sel I no long taem we 100% Pure Design Company nao hemi printim,” Samuel I talem.

Samuel i talem tu se, olgeta sponsasip ia hemi kam tru nao long meja sponsa blong kla, tru long 3 yia kontrak we Pele FC hemi saenem wetem ona blong Vanuatu Solar Supply Seymour Zheng Masilaeliu long manis blong Mei, yia ia,mo 100% Pure Design Company we hemi kam insait tu blong sapotem klab.

Wetem olgeta Sponsasip ia, Manejmen blong klab I wantem talem bikfala tankio I ko long olgeta we oli stap bihaen long sakses blong klab tete, we hemi olgeta sponsa.

Tru long olgeta sponsasip ia nao I kam blong motivetem tim, mo I mekem se klab hemi mentenem tu posisen blong hem long klasmen blong seken divisen ia, be I no hemia nomo tankio tu I ko long olgeta sapota we oli save stap oltaem long gran stan blong watjem kem.


(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.