Afta long jenis blong fomat blong Oceania Football Confederation Champions League, we i lukim ol futbol fan oli manej blong wajem nomo 2 Regional maj long Port Vila Stadium, Melanesian Spearhead Group (MSG) wetem Black Pacific Events blong Solomon Aelans, bambae oli karem fes eva Melanesian Super Cup i kam long Port Vila.
Tunamen ia we bambae hemi fes eva wan insaed long Melanesia, i lukim fofala Melanesian kaontri, bambae oli fildim ol klab jampion blong olgeta long Port Vila Stadium, long namba 3 kasem 11 Oktoba blong plei from Cup ia.
Fiji, bambae i lukim Ba FC, Solomon Aelans i lukim Solomon Warriors, Hekari United blong representem Papua New Guinea mo Amicale blong Vanuatu, blong oli plei from historic Cup ia.
Black Pacific Events i stap wok wetem MSG mo Oceania Football blong oli redi long ol pepa wok bifo tunamen ia i save kik off.
MSG hemi shud endosem tingting blong tunamen long namba 20 or 21 June, long taem blong MSG Sports Committee Meeting long Port Moresby, Papua New Guinea.
Oceania Football hemi shud apruvum aplikesen blong tunamen ia samtaem nekis wik.
Tunamen ia bambae hemi kam olsem wan annual ivent blong ol klab jampion long Melanesia. Olsem Melanesian Cup, bambae wan wan kaontri long Melanesia bambae hemi hostem, mo Vanuatu nao hemi kikim off long yia ia.
Black Pacific Events hemi stap wok had naoia blong mekem everi posibol wei blong ol maj long tunamen ia bambae i laef long Television o dilei thruaot long Pacific Region. Tingting i stap tu blong mekem live stream long Oceani Football Youtube channel.
Tunamen ia bambae Gavman blo host kaontri nao hemi sapotem wetem ol memba Melanesian kaontri.
Vanuatu gavman thru long Dipatmen blong Yut mo Spot oli soem bigfala interes finis long tunamen ia.
Mein man bihaen long tingting ia, David Firisua blong Solomon Aelans, we hemi foma Tournament Director blong Oceania Football, hem nao ‘brainchild’ bihaen long tingting ia.
Firisua afta we hemi leko Oceania Football, hemi no fogetem futbol ia, mo naoia hemi stap blong ensurum se interes blong Melanesian futbol i stap oltaem long fored, naoia we 58% blong ol futbol pleia long Region oli kamaot long Melanesia.
Aot long 14.5 milien populesen blong Region, 9.4 million oli kamaot long Melanesia.
Stat long namba 3 Oktoba, bambae Port Vila Stadium i laef bageken wetem wan long bigfala eva ivent blong futbol, afta we las bigfala kaen ivent olsem i bin happen long Santo, Oceania Football U17, las yia.
(0) comments
Welcome to the discussion.
Log In
Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.