PVFA bae I hostem namba 4 Province of Origin

Province of Origin i rere blong kik off. PVFA

Port Vila Futbol Asosiesen(PVFA) bae hemi hemi kik off I no longtaem wetem PVFA namba 4 Province of Origin long Port Vila.

Daily Spot hemi toktok wetem vaes Presiden blong PVFA, Harry Attison long yestede mo hemi talem se,” wetem olgeta pas exekutif blong PVFA I bin kat 3 Province of Origin nomo,be hemia no wan nomol prokram blong PVFA, be wetem niufala exekutif ia mifala I jes wekem ap nomo,”Atison I talem.

Hemi talem tu se, Province of Origin ia hemi bin stop blong ova 10 yia I pas,we long taem ia I kat nao 6 tim we oli tekem pat we oli kam aot nao long sixfala provins blong yumi.

PVFA vaes Presiden hemi talem tu se, wetem wan bikfala namba blong ol klab we oli stap unda long PVFA, I mekem se oli muvum namba I ko antap long 8 klab evriwan we I lukim,tu(2) tim blong SHEFA, 2 tim blong TAFEA, 2 tim blong MALAMPA, 1 tim blong PENAMA mo noten skuad hemi olgeta blong not we I karem tugeta SANMA, TORBA wetem ol pleya blong Solomon Aelan. Tingting bihaen blong muvum namba blong ol klab I ko antap hemi from we I kat plante klab mo plante olgeta pleya blong ol difren provins oli ple long hem.

PVFA jampionsip we i stap koa het naoia, bae I finis long wan wik taem,mo bae PVFA Province of Origin be hemi kickoff long namba 27 Novemba kasem namba 11 Disemba.

Atison I talem se, afta long faenol blong Province of Origin ia, bae evri gem bae hemi ofisoli klos from bae olman oli spel long festif sisen ia.

Atison hemi poentem aot tu se I moa gud blong promotem Province of Origin from hemi blong rispektem evri fans blong evri provins we oli stap long Port Vila taon blong oli kam tugeta blong selebretem, spot ia wetem ol provins blong olgeta from I no happen long taem.

Olgeta dro blong ol pul kem bae hemi kam aot taem PVFA hemi fainalaisem evri prokram blong olgeta.

Tags

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.