Port Vila Woman Futbol Lik fes sisen i komplit

Galaxy FC emi jampion blong las sisen. Photo: Galaxy FC

Port Vila Woman Futbol Lik 2020-2021 sisen i wan sakses afta wei i bin foldaon kolosap faev yia i pas.

Folem olgeta isu we lik i bin fesem, i mekem se Freswota Fil i no moa wan sef envaeromen blong ranem ol kompitisen long em. Be long las yia, 2020, lik i kam blong stat bakeken wetem ol kompitisen blong em.

Foma futbol pleia mo semtaem Presiden blong woman futbol lik, Julia Kings, hemi anaonsem se ol kompitisen blong niufala sisen (2021-2022) bai stat long manis ya, Septemba 18.

Sixfala tim we oli rejista wetem lik i kat:

Galaxy FC

Erakor Golden Star FC

Sheperds United FC

Ifira Black Bird FC

Mauriki FC

PSS Seveners FC

Manis May long yia ya i bin lukim fes lek jampionsip i kik of mo i karem tu pawahaos olsem Tafea FC mo Etas FC.

Kings i talem tankiu iko long Presiden blong Port Vila Futbol Asosiesen (PVFA), Andrew Leong, long visen blong growem futbol blong ol woman.

Wokabaot blong woman futbol lik long Port Vila hemi finis wetem tim Galaxy FC olsem jampion blong 2020-2021 sisen, mo Erakor Golden Star FC olsem rana ap.

Galaxy FC Tim Maneja, Martha Taiwia Poida, hemi konfem se Galaxy FC i rere blong ripresentem PVFA long Vanuatu Futbol Federesen (VFF) Kap we bai i tekem ples long Santo nekis manis, Oktoba 7 kasem 16.

Presiden blong woman futbol lik, Kings, i talem tankiu long Lycee Lab Skul mo Amical fil mo olgeta refri blong PVFA blong save mekem ol kompitisen i ko hed gud.

Hemi talem tankiu tu long ol klab we oli save sapotem ol sista tim blong kasem premia level.

PVFA woman jampionsip 2021-2022 sisen bai hemi stat long manis ya sem taem wetem Nasonal Woman Supa Kap.

Tags

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.