Not Efate sekon win long Supa Kap


Port Vila Futbol Asosiesen (PVFA) Supa Kap Premia Divisen, i stap kohed gud insaed long Port Vila Stadium taem i lukim everi klab i stap pefomem ol strong jalenj stat long dei 1 kompitisen.

Long olgeta maj blong yestedei, i lukim North Efate United (NEU) FC i plei Shepherds United (SU) FC. NEU FC nao i kam blong winim maj ia long 2-1.

Long fes haf blong maj, tuketa saed i dro long 1-1.

Long sekon haf, no mata long olketa janis we tuketa saed i kasem, nokat wan i manej blong tekem lid insaed long fes kwota blong sekon haf.

NEU FC i kontinu blong putum presa long SU FC difens wol mo i lukim NEU FC midfil atak, Tatia Taiwia nao i kam blong skorem viktri poen blong NEU FC.

Long Mandei tis wik, iCount Yatel FC i winim wan strong Mauriki FC saed . Insaed long fes haf, nokat wan tim i sko afta long fulap janis we tuketa saed i kasem.

Insaed long sekon haf, Mauriki FC i krietem sam opotuniti blong sko be iCount Yatel FC wetem seves blong Michel Coulon long difens, i distebem fulap janis ia.

iCount Yatel FC i kasem sam janis tu blong tekem lid be Mauriki FC i kontinu blong soem strong tingitng blong save distebem everi janis we iCount Yatel FC.

Insaed long 70 minit blong maj, iCount Yatel FC straeka, Alista Kalip nao i mekem wan naes run in i ko insaed 10 yad long golkipa mo mekem wan naes sut iko insaed long net.

Long olketa maj insaed long PVFA Supa kap pul B, bambae i lukim tedei Tafea FC i plei Tupuji Imere FC, 3pm long PV stadium.


(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.