Luganville Futbol Assosiesen (LFA) bambae hemi dipen plante long risal blong olgeta top 4 klab blong Luganville futbol long olgeta gem blong olgeta long Sarere ia.
Olgeta klab ia i gat Torba Unaeted, Vaom Unaeted, Santos FC mo Malampa Revivors.
Long klasmen naoia i lukim Torba wetem 25 poen, Vaom hemi kam sekon wetem 23 poen, Malampa revivors wetem 22 poen and Santos FC wetem 21 poen.
Nomata we Torba Unaeted hemi stap lidim Table blong klasmen follem wetem Vaom Unaeted be lukluk i stap se risal i save foldaon long tufala klab bihaen we hemi Santos FC mo Malampa sapos wan long tufala tim i lus from olgeta poen we oli kasem hemi kolosap nomo.
Nomata long hemia lida blong Table Torba Unaeted hemi just nidim wan dro blong stap mentenem lid blong hem mo save winim taetol ia olsem Jampion blong LFA. Vaom unaeted tu we hemi stap kam sekon long table bambae hemi nidim wan impoten win sapos oli wantem karem bak taetol ia bakeken olsem ol foma jampion blong Luganville. Santos FC we hemi tim blong olgeta man Santo sapos hemi mekem wan win bambae hemi save klaem kasem 24 poen mo hemi save kam sekon nomo sapos Torba, Vaom mo Malampa oli lusum gem blong olgeta.
Daily Sports hemi awea se bambae long tis kaming Sarere stret afta long ol maj ia bae i gat presentesen blong ol praes mo i lukim bambae i gat bigfala lonjing blong LCM Kap we hemi nekis tunamen blong kik off long Luganville.
LFA bambae hemi karem nomo tufala top 2 klab blong fes divisen blong kam antap long premia long nekis sisen mo kompit insaed long premia divisen.
Luganville futbol bambae hemi kontiniu wetem U12 tunamen blong hem long Fraedei. VFF divelopmen ofisa, Kaison Maki hemi stap askm olgeta skul blong go pat long gem ia.
(0) comments
Welcome to the discussion.
Log In
Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.