Naoia we Wol Kap long Brazil hemi finis, mo fiva blong futbol hemi stap go daon, full Pacific we five blong Wol Kap i bin tajem olgeta blong wan full manis, oli stap luk fowod naoia long wan niufala futbol tunamen we wan manis nomo i blokem.
Tunamen ia, Melanesian Super Cup, we i lukim foma Oceania Football Confederation Competition Manager, we semtaem hemi foma Solomon Aelans intanasonal, David Firisua, nao thru long Black Pacific Events (BPE) we hem nao hemi ‘brain child’ bihaen long hem, bambae i tekem ples long Port Vila Stadium stret long namba 26 Septemba kasem namba 3 Oktoba.
Firisua hemi konfemem long wan email se deit ia hemi ‘still stand’ mo bambae tunamen ia bambae hemi kik off long taem ia nao.
Firisua hemi talem se naoia everi jampion klab blong Melanesia ia oli konfemem patisipesen blong olgeta finis.
Vanuatu hemi Amicale FC, Ba FC blong Fiji, Hekari blong Papua New Guinea Solomon Warriors blong Solomon Aelans mo AS Magenta blong New Caledonia.
Firisua hemi stap wantem advaesem ol klab we bambae oli pat blong tunamen ia se from tunamen ia bambae hemi stap olsem wan ‘pre season’ tunamen ol klab oli mas karem ITC blong ol pleia we bambae oli yusum long tunamen ia, from mein tingting blong hem hemi blong full skwad oli plei tugeta.
Foma OFC Competition Manager bambae hemi sendem aot olgeta ‘Financial Provisions Circular’ i go long wan wan klab samtaem tede.
Melanesian Super Cup ia hemi kam in blong tekem ples blong Melanesian Cup we i lukim ol kaontri long Melanesia oli plei agensem olgeta i no long klab level be long nasonal level.
(0) comments
Welcome to the discussion.
Log In
Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.