Long Port Vila Football Association premia divisen maj blong yestede I lukim Tupuji Imere i kam blong winim wan strong Siaraga saed long 3-1.
Tupuji hemi openem lid eli long fes haf taem we Rodney Serveux hemi faenem baksaed blong net insaed long 5 minit.
Sko laen ia hemi no jenis kasem fes haf i finis, nomata we Siaraga hemi bin gat plante janis blong ikwalaes.
Sekon haf i stat, Jezino hemi ikwalaes eli long sekon haf, be i lukim Serveux hemi hedem in sekon poen blong hem blong putum Tupuji long fored. Taem we Siaraga hemi hemi stap push from wan ikwalaesa, Don Mansale hemi addem in namba 3 poen blong silim win blong Tupuji.
Maj ia i lukim olgeta futbol fan we oli bin stap insaed long stadium oli bin witnessim sam desisen blong olgeta maj ofisol we i putum i go long kwesten, hao nao oli mekem olgeta desisen insaed long fil.
Long olgeta maj blong tede, long 11am, Erakor Golden Star bambae hemi pleiem Tafea FC.
Long 1pm, Mauwia i pleiem Mauriki.
Las maj blong dei long 3pm, Ifira Black Bird hemi pleiem Digicel Amicale FC.
Long nara nius blong futbol, Vanuatu U20 bambae hemi pleiem fes maj blong hem tede long 7pm, Vanuatu taem agensem Mexico.
Fulap long olgeta futbol fan oli askem weta maj bambae hemi laef long Television blong Vanuatu, be kasem Daily Sports i go long print i nogat eni ofisol toktok i kamaot blong konfemem se maj ia bambae hemi laef, nomata we oli bin gat sam contribiusen blong pem aot television rights blong save broadcastem laef olgeta maj ia.
(0) comments
Welcome to the discussion.
Log In
Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.