Galaxy FC mo Erakor Golden Star FC i bukum spot blong tufala insaed long Port Vila Futbol Asosisen (PVFA) Independens kap KO gran faenol taem oli manej blong win insaed long semi faenol maj yestedei long Port Vila Stadium.
Long fes semi faenol maj, Galaxy FC i winim Mauriki FC long 6 nil. Galaxy FC i kam blong skorem 2 poen insaed long fes haf tru long Nadine Kiliteir mo Cynthia Ngwele. Insaed long sekon haf, Galaxy FC i kam blong skorem namba tri poen tru long Elma stret long 63 minit. Cynthia Ngwele i kasem sekon poen blong hem taem i kam blong muvum sko iko long 4nil long 70 minit blong gem.
Long 72 minit, Nadine i kam blong skorem sekon poen blong em mo putum sko long 5nil. Ngwele i kam blong kasem wan hatrik blong putum sko long 6nil mo semtaem sendem Galaxy FC i ko insaed long PVFA Independens kap gran faenol.
Sekon semi faenol maj bitwin EGS FC mo Tafea i lukim EGS FC i kam blong win long 4nil.
Tugeta saed i kasem fulap janis blong sko insaed long fes haf be nokat wan i manej blong putum ol janis ia iko long net.
Long sekon haf, EGS FC i kam blong kasem fes poen tru long Jane Alatoa we i mekem wan naes long sut, 15 yad aot long Tafea FC gol maot, mo lukim bol iko stret long net.
Tafea FC i kasem fiu janis blong ekwalaes be ol gel long red oli no manej blong putum bol long net. EGS FC i kontinu blong putum presa long Tafea FC mo kasem tri moa poen blong sendem tim iko insaed long Independens kap gran faenol.
Bambae PVFA Independens kap gran faenol maj blong olgeta woman futbol i tekem ples long Fraedei Julae 30 long PV Stadium.
(0) comments
Welcome to the discussion.
Log In
Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.