Dir Edita,

Tank yu tumas I ko long Mr Kiery Manassah blong pepa blong em abaot Mme Mary Faniku Kaviamu long DP 7/12.

Stori ia i soem klir ol hard work blong ol woman blong save stamdap olgeta nomo long eleksen…

Be work em i hard tu wetem ol parti: ol i save gud woman blong mekem fundraising o blong stap olsem akaonten/pepa wok blong parti, be blong sapotem woman long eleksen, i no kat nomo.

Be mifala ol woman i mekem wanem blong i hapen olsem? Mo was we som kastom/kaltcha blong yumi ol i luk save woman from i kat, start longlong taem bifo kasem tedei, ol woman chif long som Aelan blong yumi! Emia nao kaltcha i talem.

Patriarka o man i boss, em i kastom blong plante kantri long wol mo a ting Iceland long Europ mo Rwanda long Afrika, olgeta nomo ol i kat haf woman long Palemen… Long Afrka, ol colonisata nao, ol i mekem se ol kantri wetem Woman Gavman we i stap long kaltcha, ol i no mo exist from ol i no wandem luksave ol woman we i boss…

Ies, long politik blong kat Jastis long saet blong ol woman em i wan problem olsem long laef blong everi dei: sapos man blong yu i sakem yu blong tekem wan narafala woman mo i nomo wandem blong yu kam pikimap ol ting blong yu, be yu no save wanem blong mekem from plante taem, olsem Mme Kaviamu i talem, yu no kat mane.

Semak long ol wido we i fesem problem blong kasem mane/salari/insurans we hasban i livim.

Ol loia, ol i nokat interes o ol i sas tumas.

Ol togeta, ol fasin ia ol i wan kaen violens againstem ol woman o pipol… Fasin blong blokem yu blong no ko long wan vilij o fasin blong korapsen em i wan kaen violens againstem wan o plante pipol from yu spolem olgeta raet blong olgeta.

I kat ol loa ol i stap be korapsen i mekem korupsen baekegen, exempol taem yu pem wan we i save wanem yu mekem blong em i no toktok.

Korapsen, plante taem yu tekem olsem wan laki samting we i foldaon long yu be long narafala saet, yu spolem ol narafala pipol taem yu akseptem.

Gudfala kuesten i stap: yumi wandem wan MP we i dristribiut mane olsem wan ATM o wan MP tru lida we i stap developem ples/aelan blong em blong laef i kam andap mo i stap andap?

Ol mama, ol I lukaotem famle mo ol i save lukaotem komuniti tu, ol i ol manaja.

I mas kat olsem long kastom blong bifo, stret ples blong olgeta long kantri blong yumi.

Tank yu tumas Mme Mary Faniku Kaviamu blong standap mo kat couraj blong sherem experiens blong yu.

AVINI

(0) comments

Welcome to the discussion.

Keep it Clean. Please avoid obscene, vulgar, lewd, racist or sexually-oriented language.
PLEASE TURN OFF YOUR CAPS LOCK.
Don't Threaten. Threats of harming another person will not be tolerated.
Be Truthful. Don't knowingly lie about anyone or anything.
Be Nice. No racism, sexism or any sort of -ism that is degrading to another person.
Be Proactive. Use the 'Report' link on each comment to let us know of abusive posts.
Share with Us. We'd love to hear eyewitness accounts, the history behind an article.