VABA i anaonsem nem blong niufala Eksekutif
Vanuatu Amata Boxing Assosiesen (VABA) hemi bin elektem wan niu Eksekutif blong hem long namba 31 Okis hemia stret long Sola, Vanua Lava long taem blong namba 7 Nasonal Gems.
Niufala Eksekutif insaed i gat:
President- Henry Taiford (Shefa)
Vaes President- Jean Cevuard (Luganville)
Sekretri Generol- Ronald Warsal (Sanma)
Vaes Sekretri Generol- James Kalo (Shefa)
Tresora- Jimmy Tuaka (Port Vila)
Vaes Tresora- Jacob Rocroc (Sanma)
Master blong Ceremony- Vincent Kapalu
Nasonal Koj- Carl David (Luganville)
Vaes Nasonal Koj- Abert Philip (Torba)
Nasonal Rafri- Leon Awah (Oceania baj)
Memba- I gat 8 memba everiwan we oli kamaot long everi nasonal lik blong 6 provins mo 2 munisipaliti
VABA i disaed blong anaonsem ofisoli nem blong olgeta niufala Eksekutif afta we oli bin sotem aot sam isiu we i bin aotstanding i stap mo afta long hemia nao oli bin kamaot blong talem aot nem blong olgeta niufala ofis bera ia.
Niufala Eksekutif ia i tekem ova wok blong olfala Eksekutif blong Jacques Meriango we oli bin hollem posisen blong 2 tem.
Niufala Eksekutif oli stap wok finis naoia blong layem aot ol program blong ol mo visen blong olgeta blong olsem wanem nao bambae oli karemaot ol wok blong olgeta long tem blong olgeta.
Print
E-Mail
