TAFEA Province blo senem wan smol namba blong athletes long Provinsel Gems

Dear Editor,

Olsem Minister responsible long Sports long Vanuatu mo tu olsem wan Member blong Parliament (MP) blong Constituency blong Tanna, mi stap mekem ol toktok ia folem wan Nius item we i bin kamaot long Radio Vanuatu (VBTC) long midday Thursday, 28 June 2012.
Nius item ia we Secretary General (SG) blong TAFEA Provincial Government mo Sports Development Officer blong TAFEA Province i bin mekem long Radio Vanuatu se bambae TAFEA Province i senem wan smol namba blong ol athletes nomo i go long Provincial Games long TORBA long August this year folem risen se TORBA Provins i far away tumas long TAFEA mo ol narafala risen we tufala i talem we mi tekem olsem wan bikfala slap long fes blong mi MP blong Tanna we mi Minister responsible blong Sports long Vanuatu.
Wan long ol priorities blong mi taem mi tekem ova portfolio blong Ministry blong Youth and Sport long December 2012, mi bin decide mo push se Provinsel Gems I mas tek ples long TORBA Provins. Folem desision, mi bin pusum gavman blong allocate wan amount blong over Vt36 million blong finansem Gems ia.

Olsem Minister, mi bin mekem komitment tru long Ministry mo Department blong Youth Development, Sport mo Training blong sapotem every sports disaplin we I exist long Vanuatu lo saed blong kash mane, sports material mo sevis blong preperem olgeta from Gems ia mo plante long ol assistens ia I bin go long Constituency blong Tanna. Olsem part blong effort ia, mi bin alloketem wan brand new 4x4WD gavman vehicle I go long TAFEA Provincial Sport Ofis blong boostim development blong sport long Tanna.
Every pipol blong ol narafala Provins mo aelan throughout Vanuatu mo even ol foreigners mo visitors i kam long Vanuatu oli save gud se ol man Tanna oli man blong mekem tumas trabol olsem faet, stil, kilim man i ded, rep, drong mo smokem marijuana so wanem we mi traem blong mekem through long Ministry ia for the last two years hem i blong usum sport olsem wan tul blong diskarejem kraem blong ol illisit drugs amongst ol young pipol blong mi long Tanna.

Olsem wan MP blong Tanna, mi gat bikfala konsen long trend blong kraem involvmen ol youth blong island blong mi. Be mi sorry tumas blong luk se SG blong TAFEA Province mo Sport Development Ofisa blong TAFEA Province I no luk save effort ia mo traem blong usum excuse blong mane blong diskarejem mol sportman mo woman blong Tanna blong no attendem Provinsel Gems long TORBA.
Mi no lukim mane mo distens between TAFEA mo TORBA olsem wan ekskuis blong limitim participation blong ol athletes blong Tanna long TORBA Gems.
Sipos SG blong TAFEA Province mo Sport Development Ofisa blong hem olsem tufala civil servants i stap traem blong usum ekskuis ia olsem wan politikol taktik blong wan narafala politikol party agensem mi then mi stap kosenem tufala blong tufala i stopem attitude ia mo stat wok blong preperem ol sportsman mo woman Tanna towards patisipeisen blong olgeta long TORBA Provincial Games. Bambae mi no hesitate blong deal wetem tufala offisel ia either before or after long Provincial Games sipos tufala i kontinue wetem attitude ia.
Finally, mi wantem enkarejem every sportsman mo woman Tanna blong disregardem toktok blong tufala officials ia be blong oli kontinue wetem ol trening mo preperesen blong olgeta towards Gems long TORBA Provins long manis August 2012.

Honourable Mokin Stevens IATIKA
Minister blong Youth Development, Sport mo Training