Pango GB FC blong statem sekon leg wetem niu uniform

Ino everi yia we wan futbol klab i karem wan presen long krismas, be long Pango long las yia olgeta Pango Gren Bird FC oli lukim fata krismas i kam eli.
Long namba 23rd December 2010, Pango Green Bird FC emi bin dedicatem wan nuifala set blong futbol uniform blong olgeta we hemi kam olsem wan krismas presen i kam long klab.

Niufala set blong futbol uniform ia kam wetem niufala logo blong klab we oli printim i go long traoses, shirt mo soks.

Mo ino hemia nomo, klab i bin receivem tu ol gears olsem ol hat wetem ol wota bottle blong save usum long taem blong ol gem blong klab long PVFA jampionship.

Niufala set blong uniform ia hemi kamaot long KOMBAT Company, wan well known printing company long Brisbane, Australia.

Manejmen blong klab mo ol pleia oli wantem acknowledgem ol sponsa ia we oli save kamaot blong assistim klab blong mekem niufala uniform ia i posibol, i gat:

Madhima Gulgan Community Association Incorporated, Mullumbimby NSW Australia

Jenkins family, Mullumbimby NSW, Australia

King family Lismore NSW, Australia

Jimmy family – Lotu and Karen Jimmy, NSW, Australia

Jimmy family– Leisei Jimmy, Vanuatu

PGB FC players, suporters and Pango Community

Solo Waste, Chinderah NSW Australia

Sanctum, Billinudgel NSW, Australia

Sherie Foyle, Wollongbar NSW, Australia

Mark Charles Hair Cutters, Murwillumbah NSW, Australia

Mye Family, Tweed Heads NSW, Australia

Togo Family, Tweed Heads NSW, Australia

President blong klab Solomon Jimmy, Manejmen mo ol pleia oli talem long oli wantem talem bigfala tankio  i go long ol sponsa mo Pango community blong save kam givim sapot long ol aktiviti blong development blong klab.

Pango Green Bird hemi stap kam nambatu naoia long PVFA sekon divisen mo wetem niufala uniform ia hemi shud boostum morale blong ol klab blong save muv i go antap long klasmen long sekon leg blong 2010/2011 sisen long manis ia.