Luganville East i topem Just play klasmen

Luganville East skul hemi stap topem Just Play klassmen naoia we hemi stap gohed everi Fraedei tru long wan sponsasip we hemi kam tru long ol NGO patna raon long Luganville mo bambae hemi end stret long 24 Julae we hemi Children’s Day.
Long Children’s Day stret bambae oli kivim aot praes i ko long skul we oli kam ol wina.

Luganville East hemi pat blong Santo East skul nomo be olgeta i tijim franis lanwis we hemi minim se hemi wan franis skul.
Afta long risal blong namba 22 June i lukim Luganville East mo Saint Theres oli stap topem pul A, be long kol difrens i mekem se Luganville East i stap lidim tebol naoia. Banban sekon wetem 4 poen, Rowani 1 poen mo Santo East ino gat poen. Long pul B Saint Michelle i stap topem pul wetem 6 poens, Saint Joseph wetem 5 poen, Kamewa wetem 2 poen, Sarakata Primary mo Sarakata SDA oli gat wan poen nomo.

Vital Bong, Just Play instrakta long Luganville i hapi tumas long help blong ol NGO patna raon long Luganville blong luk save potensol blong grassrut futbol program ia mo save involve insaed tru long ol sponsasip blong olgeta. Bong i talem se fulap long ol pikinini oli stap laekem program ia mo namba hemi stap kam moa bigwan.