Gem blong Shepherd United mo Amical FC las wiken

Dear Editor,

Allaowem mi blong givim tingting blong mi long Gem blong last Saturday.

Bifo long hemia, mi wantem toktok smol long wan riple gem we PVFA eksetif wetem Tafea FC ol i komplain from. Mi andastand se long rule blo FIFA long wan championship tournament I neva gat wan Riple Gem (spos mi true). Sapos I gat wan Issue olsem maet bae oli save mekem or kivim wan faen long club we mekem kaen fasin ia. Mi biliv se sapos Riple Gem ia bai happen, Bae I soemaot nomo se I gat tumas corrupted fasin too inside long PVFA.

Long gem blong last Saturday I soem out clear long some decisen blong Rafri I ariap tumas without warning. Spos Rafri olsem Chilia blong Mele we I playim kaen Refri olsem I good se hem aetem tugeta lansman I playim semak decisen. Bigfala handball we Alick Maemae I mekem we evryman I luk mo even lansman blo Ambae I no mekem any decisen be I luk neket eye blem. “Nonsense”!!. Fulap long ol Rafri blong yumi ia, klosap oli olfala long stat be yet oli neva change no mata ol sapota oli singaot strong. Yu no tekem blong kros, yu traem pruvum yu wan se yu Professional Refri. Refri go go be stap semak, nogat change long carrier blong Refri. Samtaem Ref I stap tekem decisen without tufala lansman sipos long wan fault we I nogut. Ol ovasaet long Saturday laki ol sapota oli singaot, Ref I forgetem se I gat lansman.

Please traem mekem change long Nasonal Supa lik.

Thank you blong expressem filing mo tingting blong mi.

Jackson Ben
Shepherd United Sapota