BIj Voleibol Independens Jampionship blong kik off tede

Tim rejistresen blong Independens Jampionship blong Bij Voleibol we hemi shud klos finis i lukim oganaesing hemi stap openem doa iet long ol las minit rejistresen kasem tede long moning we hemi dei ia nao we ol jampionship i shud kik off.
Jampionship i shud kik off tede namba 18 kasem namba 25 manis ia long 5pm kasem 9pm, blong alawem olgeta we oli wok blong olgeta i save gat inaf taem blong mekem wei blong olgeta i kam blong patisipet.

Fomat blong jampionship ia i shud lukim wan tim i gat insaed 4 pleia everiwan mo aot long ol pleia ia, 2 hemi ol man mo 2 hemi ol woman.
Rikwaemen blong ol tim long tunamen ia hemi oli nid blong pem wan fee blong Vt1000 mo semtaem oli mas plei wetem wan unifom.
Blong moa infomesen ol tim we oli interes oli save kollem Vanuatu Bij Voleibol long ol namba ia, 23230/7779987.