Amicale FC i mekem 3 in a row

Amicale FC hemi defendem jampionship taetol blong hem bageken afta we oli bin kam blong winim Seveners long wan sko blong 2-0 long Tasde las wik.
Taem we tufala tim ia i stap wokbaot i go insaed long Port Vila Stadium long Tasde namba 5 Eprel, Amicale koj, Philemon John hemi setem fes 11 blong hem finis long las O Lik maj agensem Auckland City wetem tingting blong difendem bageken namba 3 jampionship taetol.

Wan Poen blong Amicale, ‘Fanafo Boy’ Kensi Tangis long fes mo sekon haf hemi inaf blong sendem Amicale i go blong difendem jampionship taetol ia 3 yia ‘in a row’ afta we oli bin karemaot long Tafea FC long 2009/2010 sisen.
Win blong Amicale long Tasde hemi inaf blong kanselemaot win blong Tafea ova long Spirit 08 long Sarere, mo semtaem, winim olgeta 2011/2012 sisen taetol nomata we olgeta i gat wan maj i stap iet agensem Spirit 08.

Maj blong Spirit mo Amicale hemi impoten long Spirit from hemi save diteminim aotkam blong whu nao bambae hemi mekem faenol top 5.
Long nara nius blong futbol, Vanuatu Futbol Federesen president Lambert Maltock hemi askem sapos Port Vila Futbol Assosiesen mo niufala Eksekutif blong hem oli lukluk kwik taem long isiu blong whu nao bambae hemi representem Vanuatu long nekis O Lik, naoia we taem hemi shot tumas.
Long klasmen naoia i lukim:

Amicale 34
Tafea 33
Shepherds Utd 23
Tupuji Imere 18
Seveners 16
Spirit 08 15
Ifira BB 10
Academy 8