DailyPost Administrator posted on February 03, 2010 19:01
Dear Sir,
Ol letter we oli kam long konsenem matter ia i stap become wan joke nao. Ol coaches blong Academy oli stap plei long Premier Division olsem ol key player blong Tafea long taem finis.
Lukluk blong mi se VFF hemi mekem wan gud move blong rewardem ol longtaem national rep blong hem blong givim opportunity ia long olgeta trifala player blong Tafea blong save kam ol semi- professional coach long future. Inaf blong yumi stap luk negative saed blong ol issues long kaontri blong yumi oltaem. Maybe i bin gat reason blong restem ol fes eleven blong Academy blong oli save fresh long semi-faenol match.
Sapos ol fan blong Academy oli really ting se i gat sam raf wok i tekem ples, why nao Academy hemi no go thru long semi-faenol match blong hem we hemi no akensem ol koj blong olgeta ? Sports hemi sports, i gat wan winner mo loser long evri match.
Yumi shud lukluk long positive saed blong ol changes long futbol we yumi luk ol gudfala business man blong yumi oli stap invest long ol teams blong olgeta wetem ol overseas players blong impruvum level blong competition. Yumi glad we Academy hemi stap kam antap bigwan as ol yangfala ia oli gainem mo muscle and height advantage. Hope blong mi se bambae i gat gudfala competition long second raon blong championship.
Nakou Abbil